Plantun de Prouvènço

Pèr coumpara dos planto d'encò nostre

Passiflora caerulea & Buddleja davidii

Flour-de-la-passioun

Passiflora caerulea

Passifloraceae

Autre noum : Granadiho.

Noms en français : Fleur de la Passion, Passiflore.

Descripcioun :
Planto escalanto emé de vediho que trachis pulèu rapidamen. Li fueio soun penado (5 partido). S'aremarco subretout emé si gràndi e poulìdi flour bluio que podon pas engana. Fai pièi de fru coulour d'arange. Dins la naturo èi raro (R), mai èi coumuno dins li jardin.

Usanço :
Aquelo planto nous vèn dis Americo e lou noum ramento la semblanço de sa flour emé la courouno dóu Crist. Lou fru èi manjadis e la planto couneigudo pèr èstre vertuouso. Se prèn subretout en tisano pèr apasima contro lis ànci e ajuda à dourmi. Lis american se servien di fueio pèr sougna li macaduro e bruladuro (en emplastro).

Port : Liano
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Passiflora
Famiho : Passifloraceae

Coulour de la flour : Bluio
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Passiflora caerulea L., 1753

Aubre(-di-parpaioun)

Buddleja davidii

Scrophulariaceae Loganiacées

Autre noum : Budleia.

Noms en français : Arbre à papillon, Buddléia de David.

Descripcioun :
L'aubre-di-parpaioun es un aubret bèn couneigu di jardinié. Fai de lòngui paumo de flour vióuleto, èi verai bèn poulideto. Lou proublèmo pamens èi que coumenço de deveni di proun envahissènt dins mant'un relarg e empacho lou trachimen dóu plantun nostre.

Usanço :
Es uno planto que nous vèn de Chino ounte la rusco mai peréu li racino e li ramo sèrvon coume planto vertuouso. Mèfi qu'es uno planto empouisounanto.

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Buddleja
Famiho : Scrophulariaceae
Famiho classico : Loganiacées

Coulour de la flour : Vióuleto
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto envahissènto

Liò : Ribiero - Escoumbre e proche dis oustau
Estànci : Pancaro entresigna
Couroulougi : Pancaro entresigna
Ref. sc. : Buddleja davidii Franch., 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Passiflora caerulea & Buddleja davidii

ges

RRR

ges

Coumpara Flour-de-la-passioun emé uno autro planto

Coumpara Aubre(-di-parpaioun) emé uno autro planto